Një pjesë e madhe e rrugës E6 pranë komunës Stenungsundsmotet në Suedi u shemb si pasojë e një rrëshqitje dheu. Sipas shërbimeve suedeze, rruga është plotësisht e mbyllur. U kërkohet përdoruesve të rrugës dhe banorëve të shmangin zonën. Rrëshqitja ka një sipërfaqe prej afërsisht 700 me 200 metra. E gjithë zona është e rrethuar.
shiko videon!
Shumë njerëz, automjete dhe ndërtesa janë prekur nga fatkeqësia. Për momentin nuk dihet shkalla e dëmit. Si pasojë e kësaj ngjarje tre persona janë dërguar në spital me lëndime të lehta.
Rruga është e mbyllur në të dy drejtimet dhe pritet të qëndrojë e mbyllur për një kohë të gjatë. Vlerësohet se riparimi i dëmit mund të zgjasë deri në disa muaj. Nuk mund të përjashtohet rreziku i rrëshqitjeve të mëtejshme të dheut. U kërkohet përdoruesve të rrugës dhe banorëve të shmangin zonën.
Një zonë ndalim-fluturimi është caktuar mbi zonën e rrëshqitjes së dheut. Kjo vlen edhe për dronët.
Kur planifikoni një udhëtim, duhet të merrni parasysh devijimet dhe faktin që do të zgjasë më shumë.
Na pëlqeni në Facebook dhe ndajeni postimin tonë me të tjerët
Lexoni gjithashtu: Zgjedhjet 2023 – Komisionet Zgjedhore të Qarkut në Norvegji
