Subaxnimadii Khamiista, Ra'iisul Wasaare Jonas Gahr Støre ayaa wadahadal saacado qaatay oo taleefoon ah la yeeshay Madaxweynaha Ruushka Vladimir Putin.
Duullaanka Ruushku ku qaaday dalka Ukrain waa mid bahalnimo ah oo uu ku hayo dal xor ah iyo dad aan waxba galabsan oo hadda lagu hayo dhibaato aan la qiyaasi karin. Waxaan ugu baaqay madaxweynaha in uu joojiyo colaadda Ukraine, uu ka soo saaro ciidamada Ruushka, lana xaqiijiyo in gargaar bani'aadanimo la gaaro. Waxaan si gaar ah u carrabka ku adkeeyay in dadka rayidka ah ee ku nool Mariupol ay tahay in ay helaan gargaarka bini'aadantinimo iyo in dagaalku uu helo xal wada-xaajood ah, ayuu yiri ra'iisul wasaare Jonas Gahr Støre.
Dagaalka ayaa ku qasbay ku dhawaad afar milyan oo qof inay ka qaxaan Ukraine, ku dhawaad 6,5 milyan ayaa ku barakacay gudaha Ukraine.
– Waxaan aad uga walaacsanahay dhibaatada weyn ee ka dhalatay duulaanka Ruushka. Waa inaan sameynaa wixii aan awoodno si aan u helno xal wada xaajood ah dagaalkan, ayuu yiri Støre.
Waxaa muhiim noo ahayd inaan aragtidayada dagaalka si toos ah ugu gudbino Madaxweynaha Ruushka
Waa ra'iisul wasaare Støre oo qaaday hindisaha inuu la hadlo, ka dib markii uu hindisaha kala hadlay xulafada dalalka Waqooyiga Yurub, Yurub iyo Mareykanka. Shalay galab, Ra'iisul Wasaare Støre ayaa sidoo kale xiriir muuqaal ah la yeeshay Ra'iisul Wasaaraha Ukraine Denys Sjmyhal.
– Ruushku waa dalka aynu jaarka nahay. Taasi waa sababta ay muhiim u ahayd inaan si toos ah ugu gudbino aragtidayada dagaalka madaxweynaha Ruushka. Waxaan leenahay rajooyin miyir leh oo ku saabsan waxa aan ku guuleysan karno, laakiin xaaladda aan ku jirno, waa in aan waxba laga tegin iyada oo aan la tijaabin, dhibaatada waa in la dhammeeyaa. Farriintayada ugu muhiimsan waxay ahayd in dagaalka Ruushku uu dhammaado, ayuu yidhi Støre.
Sawir Ra'iisul Wasaaraha Xukuumadda.
Xigasho: regjeringen
Akhri oo baro wax badan: Shaqaaluhu ma xaq u leeyahay gunno saacad aan la shaqayn inta lagu jiro wakhtiga isbeddelka?
