Halka dadka norwiijiga ah ay ka gudbaan xadka Sweden si ay u iibsadaan hilib raqiis ah, tubaako iyo khamri; Iswidishku waxay maraan dariiqa kale si ay u iibsadaan naaftada Norway oo jaban.
Inkastoo dadka Norway ay ka cabanayaan canshuur badan oo laga qaado Batroolka iyo Naaftada, haddana tan dambe ayaa Norway ka jaban afar ilaa shan krone marka loo eego Iswidhan, sidaas darteed darawalada Iswidishka ayaa u socda si kale, sida uu sheegay NRK.
Qiimaha naaftada
Kadib markii dib loo furay xuduudka ay la wadaagto dalka aynu jaarka nahay, waxaa sidoo kale dhanka Norway laga dareemayaa isu socodka dadka iyo gaadiidka.
– Dalka Iswiidan, mararka qaarkood waxay ka hadlaan qiimaha wax ka badan 20 karoon halkii litir. Haddi aan is barbar dhigno 16-17 krone halkii litir ee Norway, waxa aanu ogaanay korodhka gaadiidka dhanka Iswidhan. Jan Petter Bjørnevik, oo ah milkiilaha kaaliyaha shidaalka ee Meråker, ayaa NRK u sheegay.
Xaruntiisu waxay aragtay korodhka iibka naaftada boqolkiiba 50 marka la barbar dhigo isla muddadaas sannadkii hore.
Kenneth Opsahl waa maareeyaha guud ee xarun shidaal oo u dhow Svinesund, wuxuuna caddeeyay inay u kuurgaleen isla isbeddelka koonfurta dalka.
Xigasho: NTB
Akhri maqaalkeena soo socda: Saliid qumbaha, caafimaad saafi ah?